بوقالة لبرج الحمل

باسم الله بديت ..و على النبي صليت


جايز على باب دارنا ، لابس تلمساني ، قتلو يا شيخ بالاك تنساني ،
قالى والله ما ننساك ، ونصيبك على ربي جاه و سلطاني.
وقالة لبرج الثور

الي ابغاتو ابغاها ...ولي اتمناتو لدارو اداها... برضايت باباها ...سعدها كي الشمعة يضوالها... ولي تفرحلها اتروح موراها... او تدي الي ابغاها.
بقالة لبرج الجوزاء

مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّا

بوقالة لبرج السرطان

شفايفها تلالي حسبتها مولات الزين الرباني يا خليلتي محبتك في قلبي تهوالي كي الجوهر الحقاني

بوقالة لبرج الأسد

.قالولها علاش عيونك عسلية ورموشك سحرية و جلستك رومنسية و طلتك ماهي منسية و ديمارافعة راسك و قوية ؟؟
قالتلهم عفوا كلنا بشر لكن انا حرة جزائرية

بوقالة لبرج العدراء

الزينة يا الزينة و الزين ربي عطاك...
طبيعتك حنينة و كحل العين واتاك ...
وردة في جنينة في يد اللي خذاك....
الله يحفظك من العوينة و يخليك للي رباك .

بوقالة لبرج الميزان

يا مولات القلب لكبير ربي يعطيك و يوسع عليك ماعندك لا ذهب ولا حرير وانتي ديما زاهيا وربي مسهلك مادريت واش من حيلة نديرباش نكون مثلك

بوقالة لبرج العقرب
-وينك ياغزالي وينك ياعزالي عودلي واشفق علىحالي غيابك عذاب وشوقك ناروالحياة بلابيك ماتحلالي

بوقالة لبرج القوس

التمر و الحليب في طبق وسط الخيمة نهديهم للحبيب باش يوالف ديمة
مايعزش اللي في الجيب هذاك زوجي يالميمة

بوقالة لبرج الجدي

رشّيت عتبة الباببالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنتنستناه من عند البعيد.
بوقالة لبرج الدلو

إدا انت سبيبط انا خويط فيك.....ادا نت سنسلة انا خامسة تحميك....ادا انت خويتم انا حجرة تبهيك......وين تروح تلقاني وغير انا لنديك
بوقالة لبرج الحوت

مشيت مشيت حتى عيت جربت مع مليح والدون بصح مازال مالقيت اللي يولمني يحمل طبايعي ويديرني امرة في البيت فرج ياربي وابعث لي الراجل لي تمنيتوا



المصدر...
كل الحقوق محفوظة لمنتديات dzfemme